ليه الناس بتوجع بعضها؟ وازاي اصلا بتعرف؟
ليه مش في حد بيعرف قيمة الحاجة اللي معاه الا اما تروح منه ؟
ليه دايما اكبر الم بيبقي من اقرب الناس؟
ليه في ناس مبتعرفش تمشي من غير ماتسند علي حد مع ان في ناس تانية عايشة بتسند الناس كلها؟
ليه البني ادم مابيدورش غير عالحاجة اللي مش معاه ؟
ليه في ناس عشان تحقق احلامها تدوس علي ناس تانية كتير وتدوس علي احلامهم كمان ؟
ليه دايما كل حاجة حلوة فيها حاجة بتوجع ؟
ليه كل الورد فيه شوك؟
ليه الحب مرتبط بالالم؟
ليه الغرام دايما مقتول ؟
ليه كل حاجة حلوة عمرها قصير مع ان كل حاجة بتوجع بتعيش عمر طويل ؟
ليه الدموع مبتطفيش نار الالم؟
"وليه انا معنديش اجابة عن كل الاسئلة ديه؟"
هناك 3 تعليقات:
عشان احنا مش فى الجنه
والارض لازم تبقى كده
ليه البوست ده حزين قوي كده؟؟؟
ليه حاسس بنبرة حزن غريبة في كلامك؟؟
اتمنى ان الحالة دي تنتهي بسرعة وبيتهيألي تعليق بطوط حبوب جاب المفيد
تحياتي
بطوط ميرسي علي ردك بس صدقني لو الارض لازم تبقي كده يبقي كنا نسميها النار انسب من يكون اسمهاالارض
*****************
أنا حر
انت عندك حق انا فعلا عندي حالة من الاكتئاب والتردد اللي عمري ماصدفتها في حياتي بس ده العادي بقي عشان احنا مش في الجنة علي راي بطوط وشكرا لاهتمامك
إرسال تعليق