السعادة شبح أم سراااااااب

اليوم فقط اكتشفت أن السعادة في الحياة ليست موجودة سوي في الأحلام ، لا نكاد نراها أو نشعر بها حتي يمسنا الألم ونفيق من الحلم الجميل علي صراخ وجراح ولكننا لا نتعلم ، نعم ... فإننا نظل نجري وراء ذلك الشبح .. نعم شبح السعادة فهو لا يظهر إلا في الظلام فيخدعك بأنه النور والأمل ولا تكاد تقترب ويبدأ قلبك في الخفقان وآمالك في الابتسام تجد انه اختفي بين يديك وتحول إلي سراب وهكذا.... وتظل تشعر بالالم والآنين حتي تري شبح آخر للسعادة أو حتي هو نفسه ، فتنخدع من جديد ويبدأ كيانك يرتعش ووهم الأمل يلمع في عينيك لتجد جرح يؤلمك أكثر ، وتظل هكذا وتعتقد أنك تبدأ من جديد وتترك ماكان وراء ظهرك ولكنك تنسي ، تنسي أن هناك عمر يمر وسنين تجري وأحلام تهدم وآمال تختفي وجراح تزداد فيظهر لك الأسوأ ثم الأسوأ فيجعل نفسك تشتاق للسعادة وتنسي أنها ليست سوي مجرد شبح يأتي ليخدعك ويجعلك تتألم من جديد فهي مهما طال الوقت ليست إلا حلم ، سوف تأتي اللحظة لكي تصحو منه علي الوقع المرير والجرح الجديد

حلم كان اصلا حلم

ساعات كتيييير اوي البني ادم بيحلم ، وفي ناس بتحب تحلم وتحب تعيش في حلمها كتييير، بس اللي مش كتير ان حد يحقق حلمه وده عادي لان مش كل حلم بنحلمه بنقدر نحققه انما اللي مش عادي انك تكون شايف حلم معين قدام عينيك وتحاول توصله وترسم طريقك بنفسك عشان تروحله وكل ماتقرب منه كل مايظهر اكتر واول ماتوصل عنده تكتشف انه كان سراب طيب ازاي اذا كان السراب اصلا كل مابتقرب منه بيبعد لكن ده كان حقيقي كان بيقرب عمره مابعد يبقي ازاي؟ وتعبك كان عشان حلم مش موجود اصلا؟ مع انك مشيت في طريقك صح ومغيرتوش وتعبت جدا فيه وضحيت فيه بحاجات كتير من صحتك واعصابك ومجهودك وبعد كل ده ..... مفيش حلم ... "الحلم كان اصلا حلم" ، حلم مكنش حد شايفه غيرك مكنش موجود في الدنيا وكل تعبك ومجهودك ..... انسي .... طيب ليه ؟ ماهو مش بمزاجك ... هو كده قدرك كده مينفعش تعترض ..... طيب غلطت ؟ قصرت ؟ طيب مبذلتش المجهود الكافي ؟ طيب يئست ولا تعبت في نص الطريق من كتر الحفر اللي قابلتها واللي وقعت فيها ؟ .... لاء ، الاجابة علي كل الاسئلة ديه لاء حتي الحفر اللي وقعت فيها كنت باقاوم واقوم واتعب تاني واكمل طريقي تاني عشان شايفه كان قدامي كان قريب طيب يبقي ليه ؟ ليه اما وصلتله مالقتهوش ؟ مع اني شايفه طول الطريق ليه مابقاش موجود من بدري كنت عالاقل بطلت احلم بيه كنت فكرت في مستقبل تاني في طريق غيره كنت رتبت حياتي علي احلام تانية ؟

بصراحة انا شايفة ان عشان خاطر حاجة واحدة بس انك حلمت ........

حد يقولي ليه

ليه الناس بتوجع بعضها؟ وازاي اصلا بتعرف؟

ليه مش في حد بيعرف قيمة الحاجة اللي معاه الا اما تروح منه ؟

ليه دايما اكبر الم بيبقي من اقرب الناس؟

ليه في ناس مبتعرفش تمشي من غير ماتسند علي حد مع ان في ناس تانية عايشة بتسند الناس كلها؟

ليه البني ادم مابيدورش غير عالحاجة اللي مش معاه ؟

ليه في ناس عشان تحقق احلامها تدوس علي ناس تانية كتير وتدوس علي احلامهم كمان ؟

ليه دايما كل حاجة حلوة فيها حاجة بتوجع ؟

ليه كل الورد فيه شوك؟

ليه الحب مرتبط بالالم؟

ليه الغرام دايما مقتول ؟

ليه كل حاجة حلوة عمرها قصير مع ان كل حاجة بتوجع بتعيش عمر طويل ؟

ليه الدموع مبتطفيش نار الالم؟

"وليه انا معنديش اجابة عن كل الاسئلة ديه؟"

مشروع التخرج في الشارع

النهاردة نزلت عشان اعمل حاجات في الكود في مشروع التخرج كما هو الحال من حوالي اسبوعين فاتو

الاقي error اقوم احاول فيه وان معرفتش يبقي الحل هو الفانوس السحري "الباشمهندس" مين بقي الباشمهندس ؟ ده شاب محترم جدا كان بيدينا الكورس بتاع لغة البرمجة اياها (C#) اللي استمر من شهر اغسطس 2007 لغاية شهر ابريل 2008 يعني حوالي 8 شهور اه والله مش باكدب ، 8 شهور وهو مستحملنا اسئلة وغباء ووقت كتييييير وتاخير ودلع ونرفزة وتعب اعصاب وامتحانات وعاوزين الاسبوع اللي جاي اجازة عشان عندنا ميد ترم وعاوزين نمشي بدري عشان مش بنلاقي مواصلات وعاوزين برييك عشان تعبانين جداااا و.......... طلبات للصبح وكلها ليها نفس الرد (حاضر اوكي) وخلص الكورس الحمدلله علي خير بس في مشكلة الكورس لازم يكونلو في نهايته مشروع يتطبق عليه .... ايوة طبعا .... هو الكود ايه شوية اجزاء او حاجات نتعلمها وخلاص .... الكود لازم يتطبق عملي ، ونظرا إلي اننا في رابعة يعني عندنا مشروع تخرج يبقي ايه احسن فكرة D: .... بالظبط كده ان مشروع التخرج يبقي هه نفسه مشروع الكورس .... وهات يا شغل للصبح وتبدأ الرحلة التانية مع "الباشمهندس" ، المهم عشان ماطولش عليكو الحمدلله وصلنا إلي إننا خلاص بنقفل في المشروع ولازم يتسلم عشان اتأخرنا جدا ، تعبت وزهقت واتخنقت وعاوزة اقدمه بقي طيب ايه الحل ما احنا لسة بيطلعلنا " errors " .... يبقي الحل زي ماقلت فوق "الباشمهندس" طيب ماهو النهاردة الخميس وبكرة الجمعة والسنتر بتاع الكورس (مكان المقابلات للمشروع والكورس) هايكون قافل ،، يبقي الحل اني انزل اقابله برة طيب هو هايوافق طيب بابا وماما هايوافقوا ..... طيب وايه المشكلة مانا مش نازلة اتدلع ده انا نازلة عشان المشروع طيب وبعدين افرضي هو مش فاضي ... طيب ماتساليه وتشوفي هايقولك ايه ....(طبعا كل ده كنت انا باكلم نفسي) بس وانا بكلمه وصفتله الوضع اللي احنا فيه لقيت الهموم بتزيد وصوتي بيتخنق وباحس بالازمة اللي احنا فيها اكتر وان الوقت ضيق وان المشروع لسة ماخلصش ومين اللي هايناقشنا وفي حاجات كتير لسة .... لقيته بيقولي متقلقيش ان شاء الله هانلحق نخلص كل حاجة ان شاء الله قبل ميعاد المناقشة وبكرة ياستي انا معنديش مشكلة وشوفي المكان اللي تحبيه او عاوزاه قريب لبيتك انا معنديش مانع ..... اتفقنا علي المكان والزمان ..... طيب باقي ايه ؟ بابا وماما .... بس عشان تبقوا معايا في الصورة انا عندي قدر من الحرية لا يستهان بيه والحمدلله بيثقوا فيا ثقة اكتر من عمياء .... بس نكمل بقي رحت قلت لماما انا نازلة بكرة اقابل الباشمهندس ... بكرة ؟ مش بكرة الجمعة ؟ ايوة ياماما بس عشان اخلص انا تعبت بقي ويرجع صوتي يتخنق تاني وافتكر همومي والمشروع اللي ماخلصش ... تقولي خلاص طيب .... اعتبرت ان ده تصريح مفهوش جدال .... يوم المقابلة : اتصل بيه عشان اعرف معادنا الساعة كام بس كلمته منين ... من "موبايل بابا " اتفقنا وقفلنا وبابا طبعا عارف اني كنت باكلم "الباشمهندس" بس وشوية كتيييير عدوا ... والاقي موبايل بابا بيرن وبابا يرد وينده عليا ويقولي ده "الباشمهندس" .... ارد وانا متنحة ومخضوضة ... الاقيه بيقولي هاناجل نص ساعة بس وقبل ماقفل سمعت بابا بيندهلي .... استني هاتيه انا عاوزه ... اديله الموبايل وانا متنحة اكتر ... الاقيه بيشكرة علي تعبه معانا والمجهود الكبير اللي هو عامله ..... اطمنت شوية .... وبعد ماقفلت قمت عشان البس وقلت لبابا اني نازلة رايحة اقبله عشان كذا وكذا ... وعادي بابا يقولي اوكي ... طبعا مكنش عادي اوي كان في استفسارات كتير وليه انتي وليه مش زميلتك التانية وفين ومتتاخريش وخدي بالك من نفسك وهكذا ....وانزل وارجع وعادي جدا .... ونزلت النهاردة تاني عشان باقي الحاجات بس وانا مروحة فكرت كتييير ...

ليه بانزل؟ ليه نعمل المشروع في الشارع ؟ ليه في مكان مش البيت ما احنا هنا او هنا بنعمل حاجة مهمة ومحددة وليها هدف واضح .... مش بنلعب مش بنهزر مش بنرغي ولا اي حاجة .... ليه ماكنش مثلا بابا او ماما حد فيهم يقولي ماتقترحي عليه يجي واحنا موجودين وتعملو الحاجة هنا بدل الشارع ؟ تفتكروا عشان هو شاب؟ ولا عشان ميصحش؟ طيب ليه مايصحش ماهي هي نفس القعدة علي الاقل نكون في بيت وقدامهم ده غير اننا يعني مش بنحب في بعض ده شغل ، بس هي كانت مجرد فكرة ومش فاهمة ايه الغلط او العيب اللي فيها اللي مخليني انا نفسي ماقدرتش اواجه بابا وماما بيها ، تعرفو انتو ايه اللي فيها؟؟

صندوق ذكرياتي

اليوم فتحت صندوق ذكرياتي لأجد عبق الزمان يخترق جسدي ويذكرني بأيام مر عليها سنين لاجد جسدي يرتعد حين يذكر لحظة وصلت فيها لأعلي درجات الشجن والخوف
وفجاة قلبي يخفق ليغمرني بنشوة السماء وروح الامان رايت اياما تمر وزمن يسخر منا واناس تهذي وابتسامة تندمل والحياة باقية
رايت اناس رحلت واناس لم تكن ولدت واناس قلبها يخفق من الخوف
رايت احلام قد ذهبت مع السراب ورايت احلاما قد اوجدها الزمان بين طيات الايام
وجدت انينا يهمس بداخلي للحظة مر عليها الكثير والكثير من السنين
وجدت عبرات قد هوت لاجل سعادة لم تكن سوي مآتم ، ووجدت ضحكات كان ثمنها كثير من أمطلر الشجن
ووجدت نفسي لم أقدر يوما حكم الزمان ولا ثروة اللحظات
وجدت افكار خاطئة ولكنها كانت تمنح السعادة المطلقة ، ووجدت افكار حقيقية ولكنها تتبدد بين سحب الآمال كاالاحلام المنسية
ووجدت روح تكاد تهوي ولكن ينقذها ملاك .. ووجدت من كاااااااان ملاكا ......
ووجدت من عودته الايام علي النسيان
ووجدت احرف تقطر دما من غاية الالم والأحزان
ووجدت سطورا تكاد تطير بين السحاب من غاية الامل والاحلام
ووجدت نفوسا تنكسر واحلاما تتبدد ويتخللها اليأس ليظهر ملاك جديد يبعث الامل في النفوس
لقد وجدت بداخل صندوقي للذكريات حيــــــــــــــــــــــــاة......... فعشقت حياة ذكرياتي بين طيات امواج حياتي